Bizge melumki, charwichiliq bilen shughullinidighan Qazaq, Qirghiz qatarliq Türki tilda sözlishidighan qérindash milletler shundaqla Mungghullarning bir qismi, adette déhqanchilq, qol-hünerwenchilik, soda-sétiq bilen shughullunidighan, sheherlerde yashaydighan Uyghur, Özbék qatarliq Türki xeliqlerni «sart» dep atishidu. Ötmüshtiki milletler arisidiki normal bolmighan milli munasiwetler tüpeylidin, goya bu söz haqaret qilin’ghandek, kemsitilgendek xata chüshenche birip qoyghan. Emiliyette bu sözning menisi Uyghur we Özbék xelqining tirishchan, meripetperwer alahiydilikige mas yaxshi sözdur. Uyghurlar qol-hünerwenchilik, soda-sétiqtiki mahariti bilen Türki xeliqler we bashqa charwichi xeliqlerge zor tesir körsetken. 1985- yili Béyjingda neshir qilin’ghan xeliqara nupuzgha ige bilimler qamusi – «Okyanus» ning 2-qisim 2362-bétide izahlighinidek, Mungghul Impéryisi dewride keng qollinilghan «sart» dégen bu söz Mungghulche söz bulup, Uning menisi «danishmen», «eqildar», «aliyjanap», «mensepdar», «soda ishlirini bijirgüchi», «sodiger» digendek menilerde bulup, eyni chaghlarda yuqiri tebiqini körsetken.